Кыргыз Республикасынын Мамлекеттик тил күнү майрамына арналган шаардык иш чара өткөрүлдү

Бүгүн, Ош шаарында Кыргыз Республикасынын Мамлекеттик тил күнү майрамына арналган шаардык иш чара өткөрүлдү. Майрамдык салтанатка Ош шаардык Кеңешинин депутаты, туруктуу депутаттык комиссиясынын төрагасы Ашим Осмонов катышып, жалпы катышуучуларды төрага Жапарбек Ормоновдун жана жалпы депутаттардын атынан кызуу куттуктады. Мамлекеттик тилди өнүктүрүүгө кошкон өзгөчө салымдары үчүн Ош шаарындагы жогорку жана жалпы билим берүүчү мекемелердин кызматкерлерине шаардык Кеңешинин Ардак грамоталары тапшырылды. Майрамдык салтанат Ош шаарынын мэриясы тарабынан уюштурулган маданий, көркөм программасы менен коштолуп, жогорку деңгээлде өткөрүлдү.