Ош шаардык Кеңешинин туруктуу депутаттык комиссиясынын отуруму өткөрүлдү

2018-жылдын 19-октябрында  Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясынын кезектеги отуруму болуп өттү. Отурумду туруктуу депутаттык комиссиясынын төрагасы А.Батыров алып барды. Отурумдун күн тартибинде жалпы 10 маселе кирип, бардык маселелер каралып туруктуу депутаттык комиссиясынын тиешелүү чечимдери кабыл алынды. Атап айтканда Ош шаарынын мэриясынын Жаштар иштери боюнча комитетинин иш-чараларына сарпталуучу акча каражатын 2018-жылдын 6 айынын жыйынтыгы менен жергиликтүү бюджеттин ашыкча аткарылуусунун эсебинен бөлүп берүү маселеси каралып  бул маселе сессиянын кароосуна сунушталды.  
Андан сырткары Мамлекеттик салык кызматынын Ош шаары боюнча башкармалыгынын жана мамлекеттик салык кызматынын Түштүк аймактар боюнча ири салык төлөөчүлөрдү көзөмөлдөө башкармалыгы тарабынан  Ош шаарынын 2018-жылдагы жергиликтүү бюджетинин киреше бөлүгүнүн 9 айдын жыйынтыгы менен аткарылуусун камсыздоо боюнча жүргүзүп жаткан иштери жана Ош шаардык капиталдык курулуш, Ош шаардык жолдор башкармалыктарына 2017-жылдагы жергиликтүү бюджеттен бөлүнгөн  акча каражаттарын жана 2018-жылда бөлүнгөн акча каражаттарын  9 айдын жыйынтыгы менен  пайдаланылышы боюнча маалыматтары угулду.