Ош шаардык Кеңешинин фракция лидерлеринин отуруму болду.

Бүгүн Ош шаардык Кеңешинин фракция лидерлеринин отуруму болуп өттү. Отурумда шаар аймагындагы коронавирус илдетине каршы күрөшүү боюнча маселе талкууга алынды. Ош шаарынын мэриясынын биринчи вице-мэри С.Турдуев шаар аймагындагы коронавирус илдетине каршы күрөшүү боюнча аткарылып жаткан иштер боюнча маалымат берди. Депутаттар тарабынан шаар аймагындагы социалдык материалдык жактан колдоого муктаж болуп жаткан үй-бүлөлөргө гуманитардык жардамдарды даректүү жеткирүүнү камсыз кылуу, дизинфекциялоо иштерин талапка ылайык жүргүзүү боюнча сунуштар айтылып, муктаждык болсо жергиликтүү бюджеттин эсебинен кошумча каражаттарды бөлүүгө маселелерди кароону сунушташты.