Ош шаардык Кеңешинин туруктуу депутаттык комиссиясынын кезектеги отурум болуп өттү

2018-жылдын 19-сентябрында Ош шаардык Кеңешинин Бюджет, экономика жана өнөр-жай маселелери боюнча туруктуу депутаттык комиссиясынын кезектеги отуруму болуп өттү. Отурумду туруктуу депутаттык комиссиясынын төрагасы А.Батыров алып барды. Отурумдун күн тартибинде жалпы 5 маселе кирип, бардык маселелер каралып туруктуу депутаттык комиссиясынын тиешелүү чечимдери кабыл алынды. Атап айтканда Ош шаарынын мэриясынын жергиликтүү бюджетке республикалык бюджеттен сатуудан алынуучу салыкка компенсация катары берилген 25,0 млн. сом акча каражатынын эсебинен: түрдүү багыттарга каржылоо маселелери талкууланып, шаардык Кеңешинин сессиясынын кароосуна сунушталды. Андан сырткары Ош шаарынын тургундарынын кайрылуу каттары дагы каралып, тиешелүү токтом кабыл алынды.