Транспорт, жылуулук-энергетикалык комплекс, муниципалдык чарба жана байланыш маселелери боюнча туруктуу депутаттык комиссиясынын көчмө жыйыны болуп өттү

Жыйынды комиссиянын төрагасы Б.К.Шоноев алып барып, мүчөлөрү С.А.Бердиев, Р.А.Турдуев, Р.О.Касымов, Г.К.Турдубаева жана мекеме ишканалардын жетекчилери катышышты.

Отурумда мекеме ишканалардын жетекчилери депутаттарга шаардагы жылуулук-комплекс мекемелеринин күз-кышка болгон даярдыгы, учурдагы аткарылып жаткан иштери, алдыда аткара турган пландары тууралуу маалымат беришти. Депутаттар жана мекеме ишкана жетекчилери ортосунда суроо-жооп иретинде көптөгөн суроолор берилип, кызуу талкууланды. Жетекчилер ишкана-мекемесиндеги көйгөйлөрдү айтышып депутаттарга өз сунуштарын каалоолорун билдиришти. Депутаттар жылуулук берүүчү мекемелердин иши менен жеринде барып таанышып, жыйынтыгында транспорт, жылуулук-энергетикалык комплекс, муниципалдык чарба жана байланыш маселелери боюнча туруктуу депутаттык комиссиясынын депутаттары тарабынан Ош шаарындагы жылуулук-комплекс мекемелеринин 2020-2021-жылдарда күз-кыш өнөктүгүнүн журүшү жөнүндөгү маселе Ош шаардык Кенешинин сессиясына сунушталды.