Ош шаарынын 2021-жылга карата жергиликтүү бюджетинин долбоору талкууланды

Ош шаарынын 2021-жылга карата жергиликтүү бюджетинин долбоору талкууланды

Ош шаарынын 2021-жылга карата жергиликтүү бюджетинин долбоорун талкуулоо боюнча Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясынын 2021-жылдын 3-февралында башталган отуруму өз ишин жыйынтыктады. 

Төрт күн аралыгында эл өкүлдөрү тарабынан  Ош шаарынын 2021-жылдагы жергиликтүү бюджетинин долбоорунун киреше жана чыгаша бөлүгү Ош шаарынын биринчи вице-мэри Ж.Турганбаевдин, жергиликтүү бюджеттен каржылануучу мекемелердин жетекчилеринин катышуусунда кызуу талкууланып, сунуштардын негизинде жергиликтүү бюджеттин долбоору Ош шаарында 2021-жылдын 12-февралында өтүүчү бюджеттик коомдук угуу иш-чарасына жана Ош шаардык Кеңешинин кезектеги сессиясына сунушталды.