Ош шаарындагы У.Салиева көчөсүн көрктөндүрүү жана жашылдандыруу долбоорунун ачылуу аземи болуп өттү

Бүгүн, Ош шаарынын №4 “Манас-Ата” муниципалдык аймактык башкармалыгынын У.Салиева көчөсүнүн Жийделик көчөсүнөн баштап Т.Касымбеков көчөсүнө чейинки аралыгын кеңейтүү, көрктөндүрүү жана жашылдандыруу долбоорунун ачылуу аземи болуп өттү.

Аземге Ош шаардык Кеңешинин төрагасы С.Назылбеков, шаар мэри А.Мамбетов, шаардык Кеңештин депутаттары, мекеме ишканалардын жетекчилери жана жергиликтүү тургундар катышышты.

Төрага, шаарыбыздын көчөлөрү заманбап жаңыртылып ачылып жатышы кубанаарлык көрүнүш экендигин белгилеп, бул долбоорду ишке ашырган “Амантур Строй Сервис” ЖЧКнын жамаатына ыраазылык билдирди.