Ош шаардык Кеңешинин туруктуу депутаттык комиссиясынын кезектеги отуруму өттү

Бүгүн, Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясынын кезектеги отуруму болуп өттү.

Отурумду туруктуу депутаттык комиссиясынын төрагасы Э.Арзиев алып барды. Отурумдун күн тартибине Ош шаарынын мэриясы тарабынан сунушталган жергиликтүү бюджеттен кошумча акча каражаттарды бөлүп берүү жөнүндөгү маселе эл өкүлдөрү тарабынан талкууланып,  аталган маселе туруктуу депутаттык комиссиясынын чечиминин негизинде Ош шаардык Кеңешинин кезектеги сессиясына сунушталды.