Ош шаардык Кеңешинде айрым өзгөрүүлөр болду

Ош шаардык Кеңешинин   2022-жылдын  15-июнунда болуп өткөн  сессиясында  “Бир   Бол”  депутаттык фракциясынын мүчөсү Шайиев Кушбак Искендерович  Ош шаардык Кеңешинин төрагасынын  коомдук башталыштагы орун басары болуп шайланды.   Ушул эле күнү,  Ош шаардык Кеңешинин  “Ата-Журт Кыргызстан”  жана “Биздин Кыргызстан” депутаттык фракцияларынан турган  “Аманат”  көпчүлүк фракциясынын  отуруму болуп,  анда   коалиция  башчысы  боюнча маселе каралды. Аталган  коалицияны   жетектеп келген  “Ата-Журт Кыргызстан”  депутаттык фракциясынын мүчөсү Арзиев Бекболот Осконбаевич   коалиция башчысы милдетинен   бошотулуп, анын ордуна  ушул эле фракциянын мүчөсү Жолдошбаев Бакай Сагынбаевич шайланды.