Ош шаарында заманбап футбол аянтчалары пайдаланууга берилди.

12-августа Ош шаарынын Жапалак айылдык аймактык башкармалыгында эки  заманбап футбол аянтчалары пайдаланууга берилди. Ачылыш аземине Ош шаардык Кеңешинин төрагасы Ж.Ормонов, шаар мэри Т.Сарыбашов жеке ишкер А.Осмонов, эл өкүлдөрү жана жергиликтүү тургундар катышышты. 
Төрага Жапарбек Ормонов шаарыбыздын ар тараптан өнүгүүсүнө жеке ишкерлердин салымы чоң экендигин баса белгилеп, шаардын ар тараптан өнүгүүсүндө эл өкүлдөрү ар дайым колдоорун билдирди. 
Аталган футбол аянтчалары “Ихлас” курулуш компаниясынын демөөрчүлүгү астында курулуп пайдаланууга берилди.