Туруктуу депутаттык комиссиянын отуруму болуп өттү

         Ош шаардык Кеңешинин жергиликтүү өз алдынча башкаруу, инвестиция, ишкердүүлүк, тышкы экономикалык байланыш, кичи жана орто бизнести колдоо жана миграция маселелери боюнча туруктуу депутаттык комиссиянын отуруму болуп өттү.
         Отурумду комиссия төрагасы А.Каримбеков алып барып, мүчөлөрү: М.Аматбеков, Б.Арзибаев, С.Анарбек уулу, К.Үркүнбаевдер катышышты.
         Күн тартибине ылайык Ош шаарынын мэриясынын муниципалдык мекемелери тарабынан көрсөтүлүүчү муниципалдык кызматтардын кошумча тизмесинин стандарттарын бекитүү жана муниципалдык аймактык башкармалыктардын аткарып жаткан иштери жөнүндө маселелер каралып, депутаттар тарабынан суроолор берилип, жооптор алынды.
         Жыйынтыгында Ош шаарынын мэриясынын муниципалдык мекемелери тарабынан көрсөтүлүүчү муниципалдык кызматтардын кошумча тизмесинин стандарттарын бекитүү жөнүндөгү маселе Ош шаардык Кеңешинин кезектеги сессиясына сунушталды.