Ош шаарында Советтик Армиянын Афганистандан чыккан күнүнүн 31 жылдыгы белгиленди.

Бүгүн 2020-жылдын 15-февралында Ош шаарында Советтик Армиянын Афганистандан чыккан күнүнүн 31 жылдыгына арналган иш-чара болуп өттү. Бул иш-чарага Ош шаардык Кеңешинин төрагасы Ж.Ормонов катышып, сөз сүйлөдү.   Ж.Ормонов  афганчы -жоокерлерге кайрылып,  боордош  Афган жеринде  интернационалдык милдетин аткарууда  өз өмүрүн арнаган Советтик Армиянын  жоокерлеринин  эрдигин жогору баалап, ошол апаатта курман болгон жоокерлердин ата-энелерине, үй-бүлөлөрүнө кайрылып, эр жүрөк жердештерибиздин  элеси ар дайым жүрөгүбүздүн түпкүрүндө сакталып, алардын элеси унутулбай, тарых барактарында алтын тамгалар менен жазылып, алардын эрдиги мекенибизди көзүбүздүн карегиндей сактоого үндөөрүн белгиледи.