Ош шаардык Кеңешинин туруктуу депутаттык комиссиясынын отуруму болуп өттү.

Күн тартибинде көрсөтүлгөн маселелер боюнча, тиешелүү мекеме-ишканалардын жетекчилери тарабынан маалыматтар угулуп, депутаттар тарабынан суроолор, сын-сунуштар айтылып, протоколдук тапшырмалар берилди.  Комиссиянын төрагасы Р. Раимбердиев  Ош шаардык жүргүнчүлөрдү ташуу агенттиги тарабынан маршруттук каттамдардагы пандемия шартында түзүлгөн уюштуруу иштеринин жетишсиздиги, маршуруттук каттамдардын шаардын элине талаптагыдай кызмат кылбагандыгы жана айдоочулардын жаш балдарга жасаган орой мамилелерин баса белгиледи. Шардык Кеңештин төрагасы Ж.Ормонов жакында кайрадан түзүлгөн Ош шаардык ички иштер башкармалыгы боюнча милициянын кайгуул кызмат бөлүмүнүн иштеринин алгылыктуу жактарын жана  аз убактын ичинде жол кыймылынын бир топ иретке келтирилгенин белгилеп, алардын иштерине ийгиликтерди каалады.