Төрага Б.Баетов Ош шаарынын мэриясынын коллегиялык жыйынына катышты

Төрага Б.Баетов Ош шаарынын мэриясынын коллегиялык жыйынына катышты

2025-жылдын 23-январында Ош шаарынын мэриясынын Коллегиялык жыйыны болуп өттү. Жыйынга  Кыргыз Республикасынын Министрлер Кабинетинин Төрагасы — Кыргыз Республикасынын Президентинин Администрациясынын Жетекчиси А.Касымалиев, Ош шаардык Кеңешинин төрагасы Б.Баетов, Ош шаарына жаңы дайындалган мэр Ж.Токторбаев жана мурунку мэр Б.Жетигенов, коллегиялык жыйындын мүчөлөрү, мекеме-ишканалардын жетекчилери жана массалык маалымат каражаттарынын өкүлдөрү катышышты.

Жыйындын башында  Кыргыз Республикасынын Министрлер Кабинетинин Төрагасы — Кыргыз Республикасынын Президентинин Администрациясынын Жетекчиси А.Касымалиев Кыргыз Республикасынын Президентинин Жарлыгына ылайык Ж.Токторбаевдин Ош шаарынын мэри болуп дайындалгандыгы жөнүндө шаар активине тааныштырып, мындан аркы иштерине ийгиликтерди каалады.

Коллегиялык жыйында “Ош шаарынын 2024-жылдагы социалдык-экономикалык өнүгүүсүнүн жыйынтыктары жана 2025-жылга карата милдеттер жөнүндө” маселеси каралды.