Туруктуу депутаттык комиссиясынын кезектеги отуруму болуп өттү

Бүгүн, 12-декабрда Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясынын кезектеги отуруму болуп өттү.

Отурумду туруктуу депутаттык комиссиясынын төрагасы Э.Арзиев алып барды. Отурумга Ош шаарынын вице-мэрлери, тиешелүү мекеме-ишканалардын жетекчилери катышышты.

Отурумдун күн тартибиндеги Ош шаарынын 2022-жылга бекитилген жергиликтүү бюджетине киргизилген өзгөртүүлөрдү жана толуктоолорду бекитүү жөнүндөгү маселе эл өкүлдөрү тарабынан кызуу талкууланып, Ош шаардык Кеңешинин кезектеги сессиясынын кароосуна сунушталды. Ошондой эле бюджет, экономика жана өнөр-жай маселелери боюнча туруктуу депутаттык комиссиясынын 2023-жылга карата иш-планынын долбоору талкууланып, депутаттар тарабынан айтылган сунуштардын негизинде өзгөртүү киргизилип, сессиянын кароосуна жиберилди. 

Андан сырткары күн тартибиндеги каралган башка маселелер да отурумдун чечиминин негизинде сессиянын кароосуна сунушталды.