Ош шаарынын Ленин көчөсүнүн жашоочулары менен жолугушуу болуп өттү

    Бүгүн, 7-июль күнү Ош шаардык Кеңешинин төрагасы С.Назылбековдун,  социалдык –маданий өнүктүрүү жана жаштар саясаты маселелери боюнча туруктуу депутаттык комиссиянын төрагасы Б.Баетовдун  жана  шаардык Кеңештин депутаты А. Айтбаевдин Ош шаарынын Ленин көчөсүнүн № 442-506 үйлөрүнүн жашоочулары менен жолугушуусу болуп өттү. Анда аталган жашоочулардын жер маселеси боюнча арыздары каралды. 

Жыйынтыгында,  жергиликтүү өз алдынча башкаруу органдарынын юристтерине   тиешелүү мекемелердин  адистери  менен биргеликте,  зарыл болгон документтер менен таанышып,  мыйзам чегинде иш алып баруу  тапшырылды.