Туруктуу депутаттык комиссиянын отуруму өткөрүлдү.

Бүгүн, Ош шаардык Кеңешинин архитектура, курулуш, муниципалдык менчик, жер, экология, агрардык жана өзгөчө кырдаалдар маселелери боюнча туруктуу депутаттык комиссиянын отуруму болуп өттү. Отурумга депутаттык комиссиянын төрагасы Н.Рашев, мүчөлөрү: Н.Алимбеков, К.Камчы уулу, Ж.Тажибаев, К.Мамбетов, Х.Хакимов, А.Турдубай уулу, Э.Раимов, Ош шаарынын тиешелүү кызматтарынын жетекчилери катышты.
          Отурумдун күн тартибине киргизилген 6 маселенин ичинен “Ош шаарынын мэриясынын жолдор башкармалыгы тарабынан аткарылып жаткан иштер жөнүндө”, “Ош шаарында көп батирлүү үйлөрдү үлүштүк куруунун тартиби жана шарттары жөнүндө” маселелер терең талкуудан кийин шаардык Кеңештин сессиясынын кароосуна сунушталды.