Ош шаардык Кеңешинде туруктуу депутаттык комиссиянын отуруму болуп өттү

      Бүгүн, 1-мартында  Ош шаардык Кеңешинин социалдык-маданий өнүктүрүү жана жаштар саясаты  маселелери боюнча туруктуу депутаттык комиссиясы шаардык Кеңешинин иш планында карала турган маселелер боюнча жеринен таанышып келишип, 2-мартта отурум болуп өттү.

     Отурумду комиссиянын төрагасы Б. Баетов алып барып, күн тартибинде беш маселе каралды. Туруктуу депутаттык комиссиянын отурумуна Ош шаарынын мэринин орун басары Н. Кадыров, тиешелүү мекеме-ишканалардын жетекчилери катышты.

Отурумда каралган маселелер боюнча депутаттар  суроо-талаптарын жана сунуштарын тиешелүү кызматтардын жетекчилерине беришип, “Ош шаарында калктын саламаттыгын сактоо боюнча аткарылып жаткан иштер жөнүндөгү” маселе шаардык Кеңештин кезектеги сессиясына сунушталды.