Ош шаардык Кеңешинин коомчулукка кайрылуусу

Ош шаардык Кеңешинин коомчулукка кайрылуусу

Көрүстөндөрдө көмүү жайларын брондоо боюнча кошумча кызматтардын орточо баасын коомдук талкууга чыгаруу тууралуу.

Урматтуу Ош шаарынын тургундары!

Кыргыз Республикасынын Министрлер Кабинетинин 2025-жылдын             19-августундагы №502 токтомуна ылайык, көрүстөндөрдө көмүү жайларын 10 жылдык мөөнөткө брондоо тартиби бекитилип, аны жергиликтүү өз алдынча башкаруу органдарынын чечимдерине ылайык келтирүү милдети жүктөлгөн.

Аталган токтомдо көмүү жайларын брондоонун наркы атайын формула боюнча эсептелери белгиленип, анын ичинде адистештирилген кошумча кызматтардын баасы жергиликтүү кеңеш тарабынан бекитилиши көрсөтүлгөн.

Ош шаарынын «Жарандарды тейлөө бюросу» МИ тарабынан жүргүзүлгөн эсептөөлөргө ылайык, 10 жылдык мөөнөткө карата аталган кошумча кызматтардын орточо наркы 193 000 сом деп аныкталды. Бул кызматтардын курамына төмөнкүлөр кирет:

көрүстөн аймагын көрктөндүрүү (жолдор, тосмолор, жарыктандыруу);

жашылдандыруу жана бак-дарактарга күтүм көрүү;

суу менен камсыздоо (сугаруу жана техникалык муктаждыктар);

дааратканалардын иштеши, турмуш-тиричилик калдыктарын чыгаруу жана башка тиешелүү кызматтар.

Урматтуу шаар тургундары!

Бул маселе түздөн-түз коомчулуктун кызыкчылыгына байланыштуу болгондуктан, көрсөтүлгөн кошумча кызматтардын орточо баасын 193 000 сом өлчөмүндө бекитүү маселесин коомдук талкууга чыгарабыз. Сиздердин ой-пикириңиздер бул чечимдин так, адилетүү жана негиздүү кабыл алынышы үчүн абдан маанилүү.

Сиздердин ой-пикириңиздер биз үчүн маанилүү!

Бул маселе боюнча ой-пикириңиздерди төмөнкү телефон номерине кайрылып билдирип коюуңуздарды суранабыз:

 (03222) 5 57 48 

Ош шаардык Кеңеши

Кыргыз Республикасынын Министрлер Кабинетинин 2025-жылдын 19-августундагы №502 токтому менен бекитилген “Көмүү жайларын брондоо тартиби жөнүндө” жобого ылайык, көмүү жайларын брондоонун наркын эсептөөдө кошумча кызматтардын наркын аныктоо боюнча даярдалган эсептер.

2025-жылдын 19-августундагы №502 токтому менен бекитилген Брондоо тартиби мурун колдонулбаган жаңы иш-чара болуп саналгандыктан, токтомдун ченемдерин колдонуу боюнча төмөнкүлөрдү билдирет.

Бул токтом Кыргыз Республикасынын “Маркумду узатуу жана сөөгүн жайга коюу жөнүндө” Мыйзамынын 8-беренесин ишке аткаруу максатында иштелип чыккан, анда Кыргыз Республикасынын көрүстөндөрүндө сөөк коюу жайларын брондоо жол-жоболорун жөнгө салуу зарылдыгы каралган.

Токтомдун максаты жарандардын жубайынын жанына көмүү укугун ишке ашыруу үчүн укуктук шарттарды түзүү болуп саналат. Брондоо баасы бирдиктүү формула боюнча эсептелет жана административдик-аймактык бирдиктин деңгээлине, ошондой эле кошумча кызматтардын көлөмүнө жараша аныкталат.

1. Көрктөндүрүү

• Жыгач тосмо (карагайдан, жөнөкөй түрү 0.3 куб) – 4 000–6 000 сом
• Жарыктандыруу (1–2 кичи фонар орнотуу) – 3 000–6 000 сом

Жалпы орто эсеп менен: 8 000 сом (бир жолку чыгым)

2. Жашылдандыруу жана кам көрүү

• 1–2 дарак же бадал отургузуу – 2 000–3 000 сом
• Жылдык кам көрүү (сугаруу, бутоо) – 3 000–5 000 сом

Жалпы орто эсеп менен: 6 500 сом/жыл

3. Суу менен камсыздоо

• Жөнөкөй суу чыгаруучу кран/шланг орнотуу, автоунаа менен суу ташуу – 5 000–7 000 сом

Жалпы орто эсеп менен: 6 000 сом/жыл

4. Таштанды чыгаруулар (дааратканалар бар болсо)

• Жылдык чыгым – 4 000–6 000 сом

Жалпы орто эсеп менен: 6 000 сом/жыл

Жалпы чыгымдар

Жылдык чыгымдар (10 жылга):

• Жашылдандыруу жана кам көрүү – 6 500 × 10 = 65 000 сом
• Суу менен камсыздоо – 6 000 × 10 = 60 000 сом
• Таштанды чыгаруулар – 6 000 × 10 = 60 000 сом

Жалпы: 185 000 сом

Бир жолку чыгым (биринчи жылы):

• Тосмо жана жарыктандыруу – 8 000 сом

Жалпы кошумча кызматтардын наркы (К):
 185 000 + 8 000 = 193 000 сом (10 жылга)

Формула боюнча эсеп

Жобого ылайык көмүү жайын брондоонун наркы төмөнкүдөй эсептелет:

БН = ЭК + К

мында:

• ЭК – эсептик көрсөткүч (Ош шаары республикалык маанидеги шаар → 1 000 ЭК = 100 000 сом),
• К – кошумча кызматтардын орточо наркы (10 жылга → 193 000 сом).

Эсеп: БН = 100 000 + 193 000 = 293 000 сом

Жыйынтык

Ош шаарында көмүү жайларын 10 жылга брондоонун орточо наркы:
 293 000 (эки жүз токсон үч миң) сом

ТҮШҮНДҮРМӨ 

         Кыргыз Республикасынын Министрлер Кабинетинин 2025-жылдын 19-августундагы №502 токтому менен бекитилген “Көмүү жайларын брондоо тартиби жөнүндө” жобого ылайык, көмүү жайларын брондоонун наркы төмөнкү формула боюнча эсептелет:

БН=ЭК+КБН = ЭК + КБН=ЭК+К 

мында:

• ЭК – администативдик-аймактык бөлүнүштүн градациясына жараша эсептик көрсөткүч;
• К – жергиликтүү өз алдынча башкаруу органы тарабынан бекитилүүчү кошумча кызматтардын наркы.

Ош шаары республикалык маанидеги шаар статусуна ээ болгондуктан, ЭК = 1 000 = 100 000 сом деп алынат.

Кошумча кызматтарга төмөнкүлөр кирет:

• көрктөндүрүү (жолдор, тосмолор, жарыктандыруу);

• жашылдандыруу жана бак-дарактарга кам көрүү;
• суу менен камсыздоо (сугаруу, техникалык муктаждыктар);
• дааратканалар болгон учурда турмуш-тиричилик калдыктарын чыгаруу.

Аталган кызматтар боюнча жүргүзүлгөн эсептөөлөрдүн негизинде Ош шаары үчүн кошумча кызматтардын орточо наркы 193 000 сом (10 жылдык мөөнөткө) деп аныкталды.

Ошентип, көмүү жайларын 10 жылга брондоонун жалпы орточо наркы төмөнкүдөй:

БН=ЭК+К=100 000+193 000=293 000сом БН = ЭК + К = 100 000 + 193 000 = 293 000 сом БН=ЭК+К=100 000+193 000=293 000сом 

Жыйынтык: Ош шаары боюнча көмүү жайларын 10 жылдык мөөнөткө брондоонун орточо наркы 293 000 (эки жүз токсон үч миң) сомду түзөт.

Эсептөө жүргүзүүдө алынган сандар   (6 500,  6 000, 6 000 жана 8 000 сом) боюнча түшүндүрмө:

1. Жашылдандыруу жана кам көрүү – 6 500 сом/жыл

• Негиз катары Ош шаарындагы дарак/бадал отургузуу жана багуу чыгымдарынын орточо баасы алынды.
• Жарнамаларда жана муниципалдык жашылдандыруу иштеринде 1 даракты отургузуу баасы 2 000–3 000 сом, ал эми жылдык тейлөө (сугаруу, бутоо, кам көрүү) 3 000–5 000 сом деп көрсөтүлгөн.
• Ошондуктан, бир жайга тиешелүү орточо жылдык нарк = 6 500 сом деп алынды.

2. Суу менен камсыздоо – 6 000 сом/жыл

• Жөнөкөй суу чыгаруучу кран/шланг орнотуу баштапкы чыгымга кирет, бирок колдонуу жана техникалык муктаждык үчүн жылдык орточо тейлөө чыгымы эсептелди.
• Мисалы: шланг, насосту оңдоо, суу жеткирүү чыгымдары жылына 6 000–7 000 сом диапазонунда.
• Ошондуктан орточо 6 000 сом/жыл деп алынды.

3. Таштанды чыгаруулар – 6 000 сом/жыл

• Ош шаарында тургундар үчүн тиричилик калдыктарын чыгаруу тарифтери айына орто эсеп менен 100–120 сомдон (адам башына) бекитилген.
• Муну көмүү жайына ылайыктап, атайын кызмат көрсөтүүлөр (таштанды контейнер, ташып чыгаруулар) үчүн жылына 4 000–6 000 сом деп эсептөө реалдуу болуп чыкты.
• Ошондуктан орточо 6 000 сом/жыл деп алынган.

4. Бир жолку чыгым – 8 000 сом (тосмо жана жарыктандыруу)

• Жыгач (карагай) тосмо – орточо 4 000–6 000 сом.
• Жарыктандыруу үчүн бир кичи күн панелдүү же LED лампа – 3 000–6 000 сом.
• Экөөнүн кошундусу 10 000–9 000 сом чыгат.
• Орточо 8 000 сом деп алынды.

Бул сандар расмий тарифтерден эмес, Ош шаарындагы:

• жашылдандыруу жана ритуалдык кызмат көрсөтүүлөр боюнча орточо коммерциялык баалардан,
• коммуналдык кызмат көрсөтүүлөрдүн (таштанды чыгаруу, суу жеткирүү) жалпы шаардык тарифтеринен алынган орточо эсеп.

Бул эсеп жөнөкөй жана ишенимдүү орточо эсеп менен жасалды.

Башчы                                                                                          Б.Таныров

КЫРГЫЗ РЕСПУБЛИКАСЫНЫН

МИНИСТРЛЕР КАБИНЕТИ

КАБИНЕТ МИНИСТРОВ

КЫРГЫЗСКОЙ РЕСПУБЛИКИ

ТОКТОМ

ПОСТАНОВЛЕНИЕ

Кыргыз Республикасынын көрүстөндөрүндө көмүү жайларын

брондоо тартибин бекитүү жөнүндө

“Маркумду узатуу жана сөөгүн жайга коюу иши жөнүндө”

Кыргыз Республикасынын Мыйзамынын 8-беренесине, “Кыргыз

Республикасынын Министрлер Кабинети жөнүндө” Кыргыз

Республикасынын конституциялык Мыйзамынын 13, 17-беренелерине

ылайык Кыргыз Республикасынын Министрлер Кабинети токтом

кылат:

1. Кыргыз Республикасынын көрүстөндөрүндө көмүү жайларын

брондоо тартиби тиркемеге ылайык бекитилсин.

2. Жергиликтүү өз алдынча башкаруу органдары өз чечимдерин

ушул токтомго ылайык келтирсин.

3. Бул токтомдун аткарылышын контролдоо Кыргыз

Республикасынын Президентинин Администрациясынын

Президенттин жана Министрлер Кабинетинин чечимдерин аткарууну

контролдоо башкармалыгына жүктөлсүн.

4. Бул токтом расмий жарыяланган күндөн тартып он беш күн

өткөндөн кийин күчүнө кирет.

Кыргыз Республикасынын

Министрлер Кабинетинин

Төрагасы А.А. Касымалиев