Ош шаарында улуу муундун өкүлдөрүнө сый урмат көрсөтүлүүдө

     Ош шаардык Кеңешинин төрагасы Салман Назылбеков “Элим, барсыңбы” коомдук кайрымдуулук фонду менен биргеликте уюштурулган сый дастаркондо бүгүнкү Улгайган адамдардын эл аралык күнү менен куттуктап, кыргыз журтчулугунун ар бир үйүндө төрдүн көркү, эли-жеринин баркы болгон кадырман аталардын, асыл энелердин талыкпаган эмгегин баалап, азыркы муундун атынан баш ийип, таазим этүүнү жана мындан кийин да  улуу муунга сый-урматты жогорку деңгээлде алып жүрүүгө үндөдү.

“Улгайган адамдардын урмат-сыйга бөлөнүп, татыктуу карылыктын өмүрүн сүрүп, күн сайын алардын дөөлөттүү өмүр сүрүүсүнө кам көрүү биздин милдет”- деди төрага.