Ош шаардык Кеңешинин XIX сессиясы болуп өттү
Бүгүн, Ош шаардык Кеңешинин кезексиз XIX сессиясы болуп өттү. Кезексиз сессияга шаардык Кеңештин төрагасы Салман Назылбеков, Ош шаарынын мэри Бакытбек Жетигенов, депутаттар, мекеме-ишканалардын жетекчилери жана массалык маалымат каражаттарынын өкүлдөрү катышты.
Күн тартибинде төмөндөгү маселелер каралды:
- Ар түрдүү маселелер;
-“Ош шаарындагы аз камсыз болгон үй-бүлөлөргө жана жеңилдиктерди алууга укугу бар тургундарга социалдык колдоо көрсөтүүнүн тартиби жөнүндө” Жобону бекитүү жөнүндө;
- Ош шаарынын катуу тиричилик калдыктарына болгон төлөмдөрдү жогорулатуу жөнүндө;
- Ош шаардык Кеңешинин 2023-жылдын 14-февралындагы №117 “Ош шаарынын 2023-жылга бюджетин жана 2024-2025-жылдарга пландык көрсөткүчтөрүн бекитүү жөнүндө” токтомуна өзгөртүү киргизүү жөнүндө;
- Муниципалдык мүлктү ижара акысынан бошотуу жөнүндө;
- Ош шаардык Кеңешинин 2018-жылдын 20-июнундагы №123-“Ош шаарынын мэриясынын резервдик фонду жөнүндогү Жобону бекитүү жөнүндө” токтомун жокко чыгаруу жөнүндө;
- Ош шаарынын муниципалдык мүлкүн менчиктештирүү шарттары жана тартиби жөнүндө Жобону жана 2023-2024-жылдарга карата Ош шаарынын муниципалдык мүлктү менчиктештирүү Программасын бекитүү жөнүндө;
- Ош шаарынын прокуратурасынын 2023-жылдын 16-майындагы № 11-7б-676-23 ченемдик укуктук актылардын бузулушун четтетүү жөнүндө сунуштамасынын негизинде Ош шаардык Кеңешинин 2014-жылдын 27-мартындагы № 156 токтому менен бекитилген Жобонун 11-пунктуна өзгөртүү киргизүү жөнүндө;
-Ош шаарынын аймагындагы кээ бир геграфиялык обьекттердин аталыштарын өзгөртүу жөнүндө;
- Ош шаардык Кеңешинин 2019-жылдын 25-декабрындагы “Ош шаарындагы муниципалдык жерлерди (жер тилкелерин) пайдалангандыгы үчүн ижара акыларын аныктоо боюнча эсептөөлөрдү жана экономикалык пландаштыруу зоналарынын картасын бекитүү жөнүндө” № 212 токтомуна өзгөртүүлөрдү киргизүү жөнүндө;
Каралган маселелер боюнча тиешелүү мекеме-ишканалардын жетекчилери тарабынан аткарылып жаткан иштери жөнүндө маалыматтар угулуп, депутаттар тарабынан суроолор, сын-сунуштар айтылып, кызуу талкууланып, тиешелүү токтомдор кабыл алынып, протоколдук тапшырмалар берилди.
