Ош шаардык Кеңешинин депутаттары №6 «Курманжан Датка» муниципалдык аймактык башкармалыгынын жашоочулары менен жолугушту

Бүгүн, 11-декабрда Ош шаардык Кеңешинин депутаттары №6 “Курманжан Датка” муниципалдык аймактык башкармалыгында жашаган шайлоочулар менен жолугушту. Жолугушууда эл өкүлдөрү өздөрүнүн аткарган иштери боюнча отчёт беришип, “Курманжан Датка” муниципалдык аймактык башкармалыгынын жашоочуларынын көйгөйлөрүн жана сунуштарын угушуп, суроолорго жооп беришти. Жолугушууга Ош шаарынын мэриясынын өкүлдөрү жана мекеме-ишканалардын жетекчилери катышты.

Шаар тургундарынан дача, №222, №223 кварталдык аймактарында суу, тазалык, свет, маршруттук катамдар, курулуштар жөнүндө ар тараптуу көйгөйлөр айтылып, алар боюнча тиешелүү мекеме-ишканалардын жетекчилери жеринде жооп беришти. 

Ошондой эле, 2024-жылы аткарылуучу иш-планга киргизе турган бир канча орчундуу маселелер кат жүзүндө берилди.

Белгилей кетсек, кийинки жолугушуу 2023-жылдын 12-декабрында №7 “Жапалак” айылдык аймактык башкармалыгында  ( Жапалак клубу) саат 14:00дө өтөт.