Ош шаарында жаңы конуштарда жашаган жарандардын жашоо шартын жакшыртуу боюнча жыйын болуп өттү

Бүгүн, Ош шаардык Кеңешинин кичи жыйындар залында “АРАКЕТ” Швейцариялык долбоору тарабынан Ош шаарында жаңы конуштарда жашаган жарандардын жашоо шартын жакшыртуу жана ишке ашыруу боюнча жыйын болуп өттү. Ага Ош шаардык Кеңешинин төрагасы Салман Назылбеков, депутаттар Турдубаева Гулсара, Арзиев Эсенбек, Эрмекбаев Толкун, Раимбердиева Аида, Таалайбек уулу Айбек, Токтосунов Аскат жана долбоордун өкүлдөрү катышышты.  

Жыйындын жүрүшүндө Эдельвейс, Алай 1, Алай 2 жаңы конуштары жана Манас-Ата үй-жатаканаларынын көйгөйлөрүн чечүү боюнча долбоор эл өкүлдөрү кенен талкуулашып, өз сунуштарын айтышты. Ошондой эле   жаңы конуштардын инфраструктурасын өнүктүрүү учурдун талабы экендиги белгиленди.